Niderland Xarici İşlər Nazirliyi BMT Ədalət Məhkəməsinin qərarını icra etməyə çağırıb

Niderland Xarici İşlər Nazirliyi BMT-nin Beynəlxalq Ədalət Məhkəməsinin Laçın dəhlizi ilə bağlı qərarına reaksiya verib.

“Çərşənbə günü Birləşmiş Millətlər Təşkilatının Beynəlxalq Məhkəməsi “Ermənistan Azərbaycana qarşı” işi üzrə müvəqqəti tədbirlər tətbiq edib. Hüquqi qüvvəyə malik bu qərarın icrası və Azərbaycanın Laçın dəhlizi ilə insanların, nəqliyyat vasitələrinin və yüklərin maneəsiz hərəkətini təmin etməsi vacibdir.

Niderland Ermənistan, Azərbaycan və Aİ-nin üçtərəfli görüşlərinin tezliklə bərpa olunacağına ümid edir. Biz Aİ-nin rəhbərlik etdiyi danışıqlar səylərini tam dəstəkləyirik”, – Niderlandın Xarici İşlər Nazirliyi özünün Twitter mikrobloqunda yazıb.