Xorvatiyanın xarici işlər naziri Qordan Qrliç-Radman fevralın 7-8-də Ermənistanda rəsmi səfərdə olacaq.
Bu barədə Ermənistan Xarici İşlər Nazirliyinin mətbuat xidməti məlumat yayıb.
Məlumata görə, Ermənistan və Xorvatiyanın xarici işlər nazirləri fevralın 8-də Ermənistan Xarici İşlər Nazirliyində görüş keçirəcək, ardınca isə mətbuat konfransı keçiriləcək.
Radman səfəri çərçivəsində prezident Vahagn Xaçaturyan, baş nazir Nikol Paşinyan, parlamentin sədri Alen Simonyan, bütün ermənilərin katolikosu II Qaregin və digər Ermənistan rəsmiləri ilə də görüşlər keçirəcək.
