Nikol Paşinyan və İranın Prezidenti arasında telefon danışığı olub

Ermənistanın Baş naziri Nikol Paşinyan və İran Prezidenti İbrahim Rəisi arasında telefon danışığı olub.

Ermənistanın hökumət başçısı İ.Rəisini Azərbaycanın Ermənistanın suveren ərazisinə təcavüzü nəticəsində yaranmış vəziyyətlə bağlı məlumatlandırıb.

İbrahim Rəisi Cənubi Qafqaz regionunda yeni müharibənin qəbuledilməz olduğunu və İranın hadisələrin gedişatını diqqətlə izlədiyini deyib.

İran prezidenti vurğulayıb ki, regiondakı bütün münaqişələr sülh yolu ilə həll olunmalıdır və İranın dövlətlərin ərazi bütövlüyü ilə bağlı mövqeyi hamıya məlumdur.

İran prezidenti Ayətullah Xameneinin sözlərini xatırladıb - İranın Ermənistanla əlaqəsi təhlükə altına düşməməli, kommunikasiyalar dövlətlərin suverenliyi altında olmalıdır.

İbrahim Rəisi ölkəsinin regionda sülhün bərqərar olmasına dəstək verməyə hazır olduğunu vurğulayıb və əlavə edib ki, Ermənistanın təhlükəsizliyi məsələsi İran üçün vacibdir.