Aİ ölkələri Rusiyanın qazın qiymətinə qoyulan məhdudiyyətlərə reaksiyasından qorxur: FT

Avropa İttifaqının bir sıra ölkələri qazın qiymətinə məhdudiyyətlərin tətbiq olunacağı təqdirdə Rusiyanın mümkün cavab tədbirlərindən qorxur. Bu barədə Financial Times (FT) məlumat yayıb.

Nəşrin məlumatına görə, Aİ-nin ən azı 10 üzvü bütün enerji tədarükçüləri üçün ümumi qiymət həddinin tətbiqinin tərəfdarıdır. Qeyd olunur ki, Avropa hökumətləri düşünür ki, yalnız Rusiyadan qazın qiymətinin yuxarı həddi müəyyən edilməsi Moskvanı “qəzəbləndirə bilər”. Bu mövqeyi bölüşən ölkələr arasında Yunanıstan, İtaliya və Polşa da var. Macarıstan, Avstriya və Hollandiya isə istənilən məhdudiyyətə qarşıdır.