Rusiya və Türkiyə MN nümayəndələri Ukrayna taxılı ilə bağlı böhranı müzakirə ediblər

Moskvada Rusiya və Türkiyənin müdafiə nazirliklərinin nümayəndələri Ukrayna taxılı ilə bağlı böhranı müzakirə ediblər.

İyunun 21-də Moskvada Rusiya Federasiyası Müdafiə Nazirliyi və Türkiyə Respublikası Milli Müdafiə Nazirliyinin nümayəndə heyətləri arasında danışıqlar aparılıb.

Rusiya və Türkiyə Müdafiə nazirliklərinin nümayəndə heyətləri Mariupol limanından, o cümlədən Türkiyənin “Azov Concorde” quru yük gəmisinin çıxışını təmin etməyə imkan verən ikitərəfli əməkdaşlığın vacibliyini vurğulayıblar.

Rusiya ilə Türkiyə arasında məsləhətləşmələrin davam etdirilməsi ilə bağlı razılıq əldə olunub.