SQ-dəki bütün təyyarələr yerindədir: ER MN SU-30-ların Rusiyaya verilməsi ilə bağlı məlumatı təkzib edir

Türkiyədə yayımlanan Azərbaycanın “Haber Global” telekanalı Türkiyə kəşfiyyatının naməlum mənbələrinə istinadən məqalə dərc edib ki, guya Ermənistan Ukraynaya qarşı hərbi əməliyyatlarda istifadə etmək üçün Rusiyaya dörd SU-30 təyyarəsi verib.

ER Müdafiə Nazirliyi bildirir ki, sözügedən məlumatlar tamamilə yalandır. Ermənistan Respublikası Silahlı Qüvvələrinin silahlanmasında olan bütün təyyarələr ekipajla birlikdə öz yerindədir və qarşıya qoyulan tapşırıqları yerinə yetirir.

Qeyd edilən məlumatda yer alan, Rusiya tərəfində hərbi əməliyyatlarda iştirak etmək üçün Suriyadan Ukraynaya göndərilən muzdluların əsas istiqamətlərindən birinin Ermənistan olması barədə iddialar da həqiqətə uyğun deyil.