Fevralın 21-də ER Təhlükəsizlik Şurasının katibi Armen Qriqoryan Avropa İttifaqı Parlamentinin üzvü, Avronest Parlament Assambleyasının vitse-prezidenti Andrius Kubilius ilə görüşüb. Görüşdə Litva Respublikasının Ermənistandakı fövqəladə və səlahiyyətli səfiri İnqa Stanite-Toloçkiene də iştirak edib.
Görüşdə regional və beynəlxalq təhlükəsizlik və sabitlik məsələləri ətrafında fikir mübadiləsi aparılıb.
Təhlükəsizlik Şurasının katibi regionda sabitlik, Dağlıq Qarabağ münaqişəsinin uzunmüddətli həlli, bütün regional kommunikasiyaların açılması, Ermənistan-Azərbaycan sərhədinin demarkasiyası ilə bağlı Ermənistan Respublikasının mövqelərini təqdim edib.
Armen Qriqoryan Dağlıq Qarabağ münaqişəsinin ATƏT-in Minsk Qrupu həmsədrlərinin himayəsi altında hərtərəfli həllinin zəruriliyini, habelə təxirəsalınmaz humanitar məsələlərin, o cümlədən hərbi əsirlərin qaytarılması və dini-mədəni irsin saxlanılmasının vacibliyini vurğulayıb.
Kubilius Ermənistanda aparılan demokratik islahatlar prosesini yüksək qiymətləndirib və Ermənistan-Aİ ikitərəfli əməkdaşlığının dərinləşməsinə yardım etməyə hazır olduğunu vurğulayıb.
