2022-ci il yanvarın 7-də KTMT-nin baş katibi Stanislav Zas Kollektiv Təhlükəsizlik Şurasının sədri, Ermənistan Respublikasının baş naziri Nikol Paşinyanla yenidən telefon danışığı aparıb.
Baş katib Kollektiv Təhlükəsizlik Şurasının Qazaxıstan Respublikasında vəziyyətin nizamlanmasına dair qərarının icrasının təfərrüatları barədə ona məlumat verib.
Stanislav Zas KTMT Kollektiv Sülhməramlı Qüvvələrinin həmin ölkəyə ezamiyyəti ilə bağlı təşkilati məsələlərin gedişi barədə məlumat verib. Hazırda Rusiya Hava-Kosmik Qüvvələrinin hərbi-nəqliyyat təyyarələri ilə sülhməramlı qoşunların köçürülməsi davam edir.
KTMT-nin Kollektiv Sülhməramlı Qüvvələrinin əsas vəzifələri dövlət və hərbi obyektlərin mühafizəsi, vəziyyətin sabitləşməsi və hüquqi müstəviyə qaytarılmasında Qazaxıstanın hüquq-mühafizə orqanlarına kömək etməkdir.
