Cənubi Qafqazda bütün iqtisadi və nəqliyyat əlaqələrinin açılması Azərbaycan-Ermənistan münasibətlərinin normallaşdırılması üçün ən vacib istiqamətlərdən biridir. Bu barədə Rusiyanın xarici işlər nazirinin müavini Andrey Rudenko TASS agentliyinə müsahibəsində Naxçıvana yolun açılması məsələsinin həllilə bağlı sualın cavabında bildirib.
Rudenkonun sözlərinə görə, üç ölkənin baş nazir müavinlərinin sədrliyilə üçtərəfli işçi qrupu vahid paket üzərində işi tamamlamaq üzrədir. Sənəd regionda dəmir yolu və avtomobil əlaqəsinin bərpasını nəzərdə tutur.
