Baş nazir Nikol Paşinyan Brüsseldə keçirilən Şərq Tərəfdaşlığı sammiti çərçivəsində Moldova Prezidenti Maya Sandu ilə görüşüb.
Paşinyan iki ölkə arasında əlaqələrin inkişafına əhəmiyyət verərək, Moldova ilə siyasi dialoqu yüksək qiymətləndirib.
Nikol Paşinyan iqtisadi əməkdaşlığın inkişaf etdirilməsinin vacibliyini vurğulayıb, bunun üçün yaxşı ilkin şərtlərin və lazımi potensialın olduğunu bildirib.
Baş nazirin sözlərinə görə, iki ölkənin hökumətləri ticarət-iqtisadi əlaqələrin genişləndirilməsi, eləcə də turizmin inkişafı üçün sıx əməkdaşlıq etməyə davam etməlidir.
Moldova Prezidenti vurğulayıb ki, Moldova Ermənistanla münasibətlərin dərinləşməsində və möhkəmlənməsində maraqlıdır.
Nikol Paşinyan və Maya Sandu Şərq Tərəfdaşlığı çərçivəsində əməkdaşlığa, bu gün keçiriləcək sammitin gündəliyinə, eləcə də qarşılıqlı maraq doğuran digər məsələlərə də toxunublar.
