2026-cı il oktyabrın 8-də Ermənistan Respublikasının Goris şəhərində Ermənistan Respublikası və Azərbaycan Respublikasının müvafiq qurumlarının nümayəndələri arasında TRIPP layihəsi çərçivəsində elektrik ötürücü xətlərin yerləşdirilməsi məsələlərinə həsr olunmuş texniki görüş keçirilib. Bu barədə Ərazi İdarəetmə və İnfrastruktur Nazirliyi məlumat verib.
“Görüş zamanı tərəflər elektrik ötürücü xətlərin yerləşdirilməsi ilə bağlı texniki məsələləri müzakirə edib, həmçinin bu istiqamət üzrə müvafiq baxışlar ətrafında fikir mübadiləsi aparıblar.
Müvafiq qurumlar arasında əlaqələndirmə ilə bağlı məsələlərə və işlərin irəlilədilməsi üçün zəruri olan növbəti addımlara xüsusi diqqət yetirilib”, – məlumatda deyilir.
