Parlament "Səhmdar cəmiyyətləri haqqında" qanuna əlavələr edilməsi barədə və əlaqəli qanun layihələri paketini qəbul edib. Paketdə TRIPP şirkətinin yaradılması üçün qanunvericiliyə dəyişikliklərin edilməsi nəzərdə tutulur.
Layihə ikinci oxunuşda və bütövlükdə 62 lehinə, 0 əleyhinə, 0 bitərəf səslə qəbul edilib.
Qeyd edək ki, parlament müxalifəti noyabrın 12-də çağırılmış Parlamentin növbədənkənar iclasında iştirak etmirdi.
Xatırladaq ki, ədliyyə nazirinin müavini Tiqran Daduntsun sözlərinə görə, Parlamentin növbədənkənar iclasının çağırılması zərurəti parlamentin 2026-cı il oktyabrın 26-da TRIPP ilə bağlı strateji əməkdaşlıq haqqında çərçivə sazişinin ratifikasiyası barədə layihəni qəbul etməsi ilə əlaqədardır. Bununla əlaqədar, yaxın vaxtlarda TRIPP inkişaf şirkətinin təsis edilməsi işlərinə başlanmalıdır.
Təqdim olunan paketlə Ermənistan Respublikasının hüquq sisteminə yeni institutun, yəni beynəlxalq müqavilələr əsasında yaradılan şirkətlər üçün xüsusi hüquqi tənzimləmələrin nəzərdə tutulması imkanının tətbiqi təklif olunur.
