İyulun 17-də Ermənistan Respublikasının müdafiə naziri Suren Papikyan Böyük Britaniyanın Ermənistan Respublikasındakı fövqəladə və səlahiyyətli səfiri Con Qalageri Ermənistandakı diplomatik fəaliyyətinin başa çatması münasibətilə qəbul edib. Bu barədə Ermənistan Müdafiə Nazirliyi məlumat yayıb.
Nazir birgə fəaliyyətə, eləcə də Ermənistan Respublikası ilə Böyük Britaniya arasında müdafiə sektorunda əməkdaşlıq çərçivəsində əldə olunan nailiyyətlərə görə səfirə təşəkkür edib.
Görüş zamanı Ermənistan-Böyük Britaniyanın müdafiə sahəsində əməkdaşlığı, beynəlxalq və regional təhlükəsizliklə bağlı bir sıra məsələlər müzakirə edilib.
