İyulun 8-də Nyu-Yorkda Ermənistan xarici işlər nazirinin müavini Robert Abisoğomonyan BMT baş katibinin Yaxın Şərq, Asiya və Sakit Okean üzrə müavini Məhəmməd Xalid Xiyari ilə görüşüb.
ER XİN-in məlumatına görə, görüşdə BMT Baş katibinin “BMT80” təşəbbüsünün perspektivləri ətrafında fikir mübadiləsi aparılıb.
Görüşdə beynəlxalq və regional təhlükəsizliklə bağlı aktual məsələlərə toxunulub. Həmsöhbətlər Yaxın Şərqdəki vəziyyəti müzakirə ediblər.
Cənubi Qafqazdakı vəziyyətə toxunan xarici işlər nazirinin müavini Robert Abisoğomonyan həmsöhbətə Ermənistanın regionda sülh gündəmini təşviq etmək səylərini təqdim edib və Ermənistanla Azərbaycan arasında sülh və dövlətlərarası münasibətlərin qurulması haqqında sazişin tezliklə imzalanmasının vacibliyini vurğulayıb.
