Baş nazirin müavini Mher Qriqoryan Rusiya Federasiyası Prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkonu qəbul edib. Bu barədə hökumət məlumat yayıb.
Görüş zamanı tərəflər Ermənistan və Rusiya arasında təhsil, elm və mədəniyyət sahələrində mövcud və perspektiv əməkdaşlıq proqramlarını müzakirə ediblər.
İki ölkə arasında turizm axınının təşviqinə yönəlmiş tədbirlərə də toxunublar.
Tərəflər tərəfdaşlığın daha da dərinləşdirilməsində qarşılıqlı maraqlı olduqlarını təsdiqləyib və yeni birgə təşəbbüslərin həyata keçirilməsinə hazır olduqlarını bildiriblər.
