Ermənistanın yanaşması aydın şəkildə ifadə olunub, biz gündəmdəki bütün məsələlərin həlli yollarını təklif etmişik. Buna misal olaraq blokadanın götürülməsidir, Ermənistan “Sülhün kəsişməsi”ni təklif edir.
Bunu hökumətin brifinqləri zamanı Təhlükəsizlik Şurasının katibi Armen Qriqoryan bildirib və əlavə edib ki, “Sülhün kəsişməsi” regionda blokadanın aradan qaldırılması üçün erməni tərəfinin baxışıdır.
“Biz sülh üçün yalvarmırıq, biz bütün mövcud məsələlərin sülh yolu ilə həllini təklif edirik”.
Biz blokadanın aradan qaldırılması ilə bağlı “Sülhün kəsişməsi”ni təklif etmişik, sülh müqaviləsi məsələsində həll yollarını təklif etmişik və bu istiqamətdə də hərəkət edəcəyik. Bu, bizim gündəmimiz olaraq qalacaq",- deyə o qeyd edib.
Armen Qriqoryan onu da xatırladıb ki, Ermənistan tərəfi hələlik yekun razılaşma olmayan iki maddə ilə bağlı Azərbaycana təkliflər verib. İndi Ermənistan tərəfi Azərbaycan tərəfinin cavabını gözləyir.
