Los-Ancelesin ən mənzərəli məhəllələrindən bəzilərini viran qoyan meşə yanğınları nəzarətdən çıxan üç böyük yanğında ən azı beş nəfərin ölümünə səbəb olub.
Kaliforniyada təbii fəlakət Hollivud təpələrinə çatıb, burada yerli sakinlərin təxliyəsi başlayıb. Los-Anceles dairəsinin şerifinin sözlərinə görə, yanğınlar hələ lokallaşdırılmayıb və ölənlərin sayı arta bilər. Güclü külək və quru hava şəraiti daha da gərginləşdirir.
Səlahiyyətlilər Los-Anceles bölgəsində beş meşə yanğınının yanmaqda davam etdiyini, 150 min insanın təxliyə zonalarında yaşadığını, məşhurların evləri də daxil olmaqla 1000 binanın yandırıldığını qeyd ediblər.
