Parlamentin Avropaya inteqrasiya daimi komissiyasının sədri Arman Yeqoyan parlamentdə jurnalistlərlə söhbətində Azərbaycanın 1991-ci ildə imzalanmış Alma-Ata bəyannaməsi əsasında sülh müqaviləsi imzalamaq istəmədiyini deyib.
“Onlar Alma-Ata bəyannaməsindən yayınmaq üçün hər şeyi edirlər. Alma-Ata Bəyannaməsi Sovet İttifaqının dağılması zamanı mövcud olan sərhədləri təsbit edir. Və mən güman edirəm ki, Azərbaycan heç bir sərhədi düzəltmək istəmir, biz isə mövcud sərhədləri, yəni Sovet İttifaqı dövründə mövcud olan sərhədləri düzəltmək istəyirik”, - deyə Arman Yeqoyan bildirib.
