Gürcüstanın Müdafiə Nazirliyində ER müdafiə naziri Suren Papikyanın qarşılanma mərasimindən sonra ER və Gürcüstan müdafiə nazirləri arasında təkbətək söhbət başlayıb və geniş tərkibdə nümayəndə heyətlərinin iştirakı ilə davam edib. Bu barədə ER Müdafiə Nazirliyi məlumat yayıb.
Görüş zamanı nazirlər hərbi təhsil sahəsində əməkdaşlığın aktivləşdirilməsini və genişləndirilməsini, eləcə də regionda uzunmüddətli və sabit sülhün bərqərar olmasının vacibliyini vurğulayıblar.
Müxtəlif qrupların qarşılıqlı səfərləri vasitəsilə ikitərəfli müdafiə əməkdaşlığının daha da genişləndirilməsi və yeni sahələrin daxil edilməsi imkanlarının öyrənilməsi barədə razılıq əldə olunub.
Ermənistan və Gürcüstanın müdafiə idarələrinin rəhbərləri həmçinin müdafiə və regional təhlükəsizlik sahəsində Ermənistan-Gürcüstan əməkdaşlığı ilə bağlı bir sıra digər məsələləri də müzakirə ediblər.
