Slovakiyanın Baş naziri Robert Fiko Bakıya yola düşüb.
Bildirilib ki, Baş nazir ikitərəfli münasibətlərin dərinləşdirilməsini müzakirə etmək üçün mayın 7-də İlham Əliyevlə görüşəcək.
“Görüşdə Azərbaycan qazının Slovakiyaya ixracı variantları da müzakirə olunacaq.
Slovakiya Baş naziri və Azərbaycan Prezidenti Slovakiya Respublikası ilə Azərbaycan Respublikası arasında strateji tərəfdaşlıq haqqında Bəyannamə imzalayacaqlar”, - Slovakiyanın hökumət kabinetinin mətbuat departamentindən bildirilib.
Həmçinin Slovakiya və Azərbaycan arasında müdafiə sənayesi sahəsində əməkdaşlıq haqqında saziş imzalanacaq.
Səfər zamanı Baş nazir Robert Fikonu bir qrup sahibkar da müşayiət edir. Onlar Slovakiya ilə Azərbaycan biznes dairələri arasında əməkdaşlığa dair danışıqlar aparacaqlar.
