Yanvarın 10-da ER Təhlükəsizlik Şurasının katibi Armen Qriqoryan Yorgos Qerapetritisin başçılıq etdiyi nümayəndə heyətini qəbul edib. Bu barədə Təhlükəsizlik Şurasının Aparatından məlumat verilib.
Həmsöhbətlər tarixi və mədəni ümumiliyə əsaslanan Ermənistan-Yunanıstan ikitərəfli dostluq münasibətlərinin inkişaf dinamikasını yüksək qiymətləndiriblər. Həm ikitərəfli, həm də çoxtərəfli əməkdaşlıqla bağlı məsələlərə, o cümlədən Ermənistanın Aİ ilə tərəfdaşlığı çərçivəsində həyata keçirilən addımlara toxunulub və bu çərçivədə katib Qriqoryan Yunanıstanın Ermənistana verdiyi dəstəyinin vacibliyini vurğulayıb.
Görüşdə tərəflər regional və qeyri-regional təhlükəsizlik vəziyyətini müzakirə edib və istənilən münaqişənin beynəlxalq hüququn prinsiplərinə ciddi riayət olunmaqla həll edilməli olduğunu vurğulayıblar. Yuxarıda qeyd olunanlar kontekstində Təhlükəsizlik Şurasının katibi Ermənistan-Azərbaycan münasibətlərinin nizamlanması ilə bağlı son hadisələri təqdim edib.
