Fransanın Avropa və Xarici İşlər naziri Katrin Kolonna Yerevanda Ermənistanın xarici işlər naziri Ararat Mirzoyan ilə mətbuat konfransında qeyd edib ki, Avropa İttifaqının xarici siyasət rəhbəri Jozep Borrelə rəsmi məktub göndərərək müşahidə missiyasını genişləndirməyi, onun mandatını gücləndirməyi xahiş edib.
Məqsəd Ermənistandakı mövcud Aİ missiyasını bu ölkə üçün daha faydalı etməkdir.
"Həmçinin Ermənistanı Avropa sülh mexanizminə salmağı təklif etdim. Məsələn, belə bir proqram Moldova üçün gerçəkləşdirilir", – Kolonna vurğulayıb.
Nazir həmçinin vurğuladı ki, Ermənistanın ərazi bütövlüyünü təhdid edən istənilən hərəkətə çox aydın və sərt cavab veriləcək: “Ümid edirəm ki, biz digər tərəfdaşlara da arxalana bilərik, xüsusən də ABŞ-dan danışıram”.
