Հունիսի 2-ին Քրեական ոստիկանության Արարատի մարզային վարչությունում օպերատիվ տեղեկություններ էին ստացվել, որ փորձել են հափշտակություն կատարել Արարատ գյուղում գործող ոսկյա զարդերի վաճառասրահից՝ արցունքաբեր գազ փչելով վաճառողի դեմքին։
Վաճառասրահի սեփականատիրոջից ընդունվել է հաղորդում։
Ավազակության հատկանիշներով քրեական վարույթ է նախաձեռնվել։
Արարատի մարզի քրեական ոստիկանները, համագործակցելով ՔՈԳՎ գործընկերների հետ, օպերատիվ-հետախուզական միջոցառումներով պարզել են հանցագործության մասնակիցների ինքնությունը, նրանց տեղաշարժը և մի շարք այլ հանգամանքներ։
Պարզվել է, որ ավազակային հարձակումը կազմակերպել են Երևանի բնակիչներ՝ 39-ամյա և 37-ամյա, Տավուշի մարզի Չորաթան գյուղի բնակիչ՝ 21-ամյա, Մասիսի բնակիչ՝ 32-ամյա տղամարդիկ, սակայն հանցագործությունն ավարտին չէին հասցրել՝ հանդիպելով վաճառասրահի սեփականատիրոջ դիմադրությանը։
Հետագա միջոցառումների արդյունքում չորսն էլ հայտնաբերվել, ձերբակալվել և տեղափոխվել են Քրեական ոստիկանության Արարատի մարզային վարչություն։ Երևանի բնակիչ 39-ամյա տղամարդու անձնական խուզարկությամբ հայտնաբերվել են 20 հազար անվանական արժեքով չորս թղթադրամ-հուշանվեր, գաղտնի փականով ծալովի դանակ և թմրամիջոցի նմանվող փոշենման զանգված։
Ձերբակալվածները կազմված փաստաթղթերի հետ ներկայացվել են վարույթն իրականացնող մարմին։
Կատարվում է նախաքննություն։
