Մայրաքաղաքի Ագաթանգեղոսի փողոցում կայանված ավտոմեքենայից գողությունը կատարվել էր անցած տարվա դեկտեմբերի 22-ի վաղ առավոտյան։ Հանել-տարել էին «Շևրոլեի» թափարգելի նիկելապատ դետալը, սակայն այս մասին մեքենայատերը չէր հայտնել իրավապահներին։ Գողության վերաբերյալ տեղեկությունը Համայնքային ոստիկանության Կենտրոնական բաժնի ծառայողները ստացել են օպերատիվ միջոցներով, և Համայնքային ոստիկանության գլխավոր վարչության գործընկերների հետ անցել են գործի։
Հանցագործության բացահայտմանը նպաստել է նաև համացանցում տարածված տեսանյութը, որի ուսումնասիրությամբ էլ ոստիկանները պարզել են, որ հիշյալ գողությունը կատարել է մայրաքաղաքի Թումանյան փողոցի բնակիչ 55-ամյա տղամարդը։
Հունվարի 12-ին նա հայտնաբերվել է իր բնակության վայրում, ձերբակալվել ու տեղափոխվել բաժին։
Նախաձեռնվել է քրեական վարույթ։ Հանգամանքները պարզվում են։
