Սեպտեմբերի 9-ին Սլովենիայի Մուրսկա-Սոբոտա քաղաքում կկայանա ՈւԵՖԱ կանանց Չեմպիոնների լիգայի «Ապոլլոն» (Կիպրոս) – «Սամեգրելո» (Վրաստան) հանդիպումը:
Ինչպես տեղեկացնում են ՀՖՖ-ից՝ հանդիպման մրցավարների տեսուչ է նշանակվել ՀՖՖ տեսուչ Քնարիկ Գրիգորյանը: Նույն օրը Լեհաստանի Կատովիցե քաղաքում կկայանա ՈւԵՖԱ կանանց Չեմպիոնների լիգայի«Անդերլեխտ» (Բելգիա) – «Բրան» (Նորվեգիա) հանդիպումը:
Լիանա Գրիգորյանը նշանակվել է այս հանդիպման մրցավարի օգնական, Արաքսյա Սարիբեկյանը՝ 4-րդ պաշտոնյա: Սեպտեմբերի 9-ին Բոսնիա և Հերցեգովինայի Սարաևո քաղաքում կկայանա «Վորսկլա» (Ուկրաինա) – «Օսիյեկ» (Խորվաթիա) հանդիպումը: Հանդիպման մրցավարի օգնական է նշանակվել Քրիստինե Գրիգորյանը, 4-րդ պաշտոնյա՝ Սոֆիկ Թորոսյանը:
