Միացյալ Նահանգները այսօր մտադիր է հայտարարել Ուկրաինային 200 մլն դոլարի ռազմական օգնության նոր փաթեթ հատկացնելու մասին՝ հաղորդում է Reuters-ը։
Գործակալության աղբյուրի տվյալով՝ փաթեթում կներառվեն հակատանկային հրթիռային համալիրներ, այդ թվում՝ TOW և Javelin, ականազերծման միջոցներ և Patriot զենիթահրթիռային համալիրների զինամթերք:
Նշվում է, որ ավելի վաղ ամերիկյան իշխանությունները խոստովանել էին, որ թյուրիմացության պատճառով սխալ են գնահատել Կիևին փոխանցված սպառազինության մի մասի արժեքը, որն ուռճացված է եղել մոտ 6,2 մլրդ դոլարով: Այժմ ԱՄՆ-ը ձեռնամուխ է լինում Ուկրաինային այդ գումարի չափով ռազմական օգնություն տրամադրելուն:
