Վրաստանի վարչապետ Իրակլի Ղարիբաշվիլին ընդունել է Թուրքիայի Ազգային անվտանգության խորհրդի գլխավոր քարտուղար Սեյֆուլլահ Հաջիմուֆթուօղլուին։ Այս մասին հայտնել են Վրաստանի կառավարությունից:
«Հանդիպմանը կողմերը բարձր են գնահատել երկու երկրների ռազմավարական գործընկերությունը, ընդգծել երկկողմ համագործակցությունն է՛լ ավելի խորացնելու և ամրապնդելու պատրաստակամությունը։ Ընդգծվել է, որ Վրաստանը բարձր է գնահատում Թուրքիայի ամուր աջակցությունը Վրաստանի ինքնիշխանությանն ու տարածքային ամբողջականությանը, ինչպես նաև Վրաստանի եվրատլանտյան ինտեգրմանը»,- ասված է հաղորդագրության մեջ։
Կողմերը կարևորել են երկկողմ ռազմավարական գործընկերության հետագա խորացումը ոչ միայն քաղաքական և տնտեսական առումով, այլև անվտանգության ուղղությամբ։
