Ուկրաինայի արտգործնախարարությունն առաջարկել է ՄԱԿ-ի Անվտանգության խորհրդի հրատապ նիստ անցկացնել Կախովկայի ՀԷԿ-ում պայթյունի կապակցությամբ։ Այս մասին ասված է Ուկրաինայի արտաքին քաղաքական գերատեսչության հայտարարության մեջ։
Նշվում է նաև, որ անհրաժեշտ է այդ հարցը ներկայացնել Ատոմային էներգետիկայի միջազգային կազմակերպության կառավարիչների խորհրդի նիստին, ինչպես նաև գործարկել Եվրամիության քաղաքացիական պաշտպանության մեխանիզմը։
Բացի այդ, Կիևը Յոթի խմբի երկրներին և Եվրամիությանը կոչ է արել անհապաղ դիտարկել Ռուսաստանի դեմ նոր պատժամիջոցների սահմանումը, մասնավորապես՝ ռուսական հրթիռային արդյունաբերության և ատոմային արդյունաբերության վրա:
