Ղազախստանի նախագահ Կասիմ Ժոմարտ Տոկաևը շնորհավորել է վարչապետ Նիկոլ Փաշինյանին ծննդյան օրվա կապակցությամբ:
«Ձեր արդյունավետ պետական գործունեությունը և Ձեր նախաձեռնած քաղաքական և սոցիալ-տնտեսական բարեփոխումների համակարգված իրականացումը պետության կայուն զարգացման երաշխիքն են և նպաստում են հայ ժողովրդի բարեկեցության բարելավմանը:
Բարձր եմ գնահատում Ձեր հանձնառությունը՝ ամուր բարեկամական կապերի և փոխշահավետ համագործակցության վրա հիմնված ղազախահայկական հարաբերությունների հետագա ամրապնդմանը:
Մաղթում եմ Ձեզ անսպառ եռանդ և մեծ հաջողություններ Ձեր պատասխանատու պետական գործունեության մեջ՝ ի շահ Հայաստանի բարօրության և բարգավաճման»,- նշված է շնորհավորական ուղերձում:
