«Իմ քայլը» երթի մասնակիցները արգելափակել են քաղաքի բանուկ փողոցները

Նիկոլ Փաշինյանն ու նրա համակիրները բողոքի ութերորդ օրը երթը սկսել են մայրաքաղաքի Գյուլբենկյան փողոցից, ապա շարունակել են քաղաքի տարբեր հատվածներում, բեռնատարներով փակել Կիևյան կամուրջը, Ազատության պողոտան և Արշակունյաց փողոցը: Ոստիկանությունը երկրորդ հայտարարությունն է տարածել, որում ասվում է՝ ստիպված է լինելու կիրառել համաչափ իրավական ներգործություն՝ իրավախախտումները խափանելու համար: