Լյուքսեմբուրգը պատրաստակամ է նպաստելու տարածաշրջանում խաղաղության հաստատմանը. Ջունա Բերնարդ
ՀՀ ԱԽ քարտուղար Արմեն Գրիգորյանն ընդունել է Լյուքսեմբուրգի Պատգամավորների պալատի բյուրոյի փոխնախագահ, խորհրդարանի փոխխոսնակ Ջունա Բերնարդի գլխավորած պատվիրակությանը:
Արմեն Գրիգորյանը նշել է, որ Հայաստանը կարևորում է Լյուքսեմբուրգի հետ բազմաոլորտ փոխգործակցության զարգացումը, և վստահություն հայտնել, որ հայ-լյուքսեմբուրգյան երկկողմ հարաբերությունները կշարունակեն ամրապնդվել:
Ջունա Բերնարդն ընդգծել է Լյուքսեմբուրգի պատրաստակամությունը՝ նպաստելու տարածաշրջանում խաղաղության հաստատմանը, և հիշատակել է ՄԱԿ-ի Արդարադատության միջազգային դատարանի կողմից ընդունված որոշումը՝ պարտավորեցնելու Ադրբեջանին՝ ապահովել տրանսպորտի և մարդկանց անխափան տեղաշարժը Լաչինի միջանցքով:
Հանդիպման ընթացքում զրուցակիցները նաև անդրադարձ են կատարել տարածաշրջանում տեղի ունեցող զարգացումներին, Հայաստանում ԵՄ քաղաքացիական առաքելության գործունեությանը:
