ԱՄՆ պետքարտուղարության խոսնակ Նեդ Փրայսը մեկնաբանել է հոկտեմբերի 31-ին Սոչիում կայացած Փաշինյան-Պուտին-Ալիև հանդիպումը: Նա նշել է՝ Վաշինգտոնը հավատարիմ է Հայաստանի և Ադրբեջանի միջև բանակցություններին և խաղաղությանը։
Ըստ նրա՝ Երևանը և Բաքուն նույնպես հայտարարել են խաղաղության հասնելու իրենց մտադրության մասին։ Նա նաև տեղեկացրել է, որ առաջիկայում ակնկալվում է պետքարտուղար Էնթոնի Բլինքենի շփումը Հայաստանի և Ադրբեջանի ղեկավարության հետ։ «Մենք կանենք այն ամենը, ինչը կօգնի Հայաստանի և Ադրբեջանի միջև տևական խաղաղության հասնելուն»,- ասել է Փրայսը:
