Երուսաղեմի արաբական թաղամասերում և քաղաքի արվարձաններում դաժան բախումներ են տեղի ունեցել:
Լրատվամիջոցների փոխանցմամբ՝ անկարգությունների մասնակիցները մոլոտովյան կոկտեյլներ ու քարեր են նետել ոստիկանության և անցնող քաղաքացիական ավտոմեքենաների ուղղությամբ, այրել են աղբամաններ ու անվադողեր: Ինը կասկածյալ ձերբակալվել է, երկու ոստիկան՝ վիրավորվել։
Արևելյան Երուսաղեմում շարունակվող բախումների պատճառն այն է, որ Իսրայելը փնտրում է իսրայելցի զինվորին սպանած պաղեստինցի գրոհայինին:
Իսրայելի բանակն Արևմտյան ափի հյուսիսում գտնվող Նաբլուս քաղաքում կարանտին է սահմանել:
