Ռուսաստանը պատրաստ է ողջունելու Ադրբեջանի և Հայաստանի միջև կարգավորմանը նպաստելու ցանկացած գործնական քայլ՝ հայտարարել է ՌԴ նախագահի խոսնակ Դմիտրի Պեսկովը՝ մեկնաբանելով ԱՄՆ Ներկայացուցիչների պալատի նախագահ Նենսի Փելոսիի այցը Երևան, գրում է ՏԱՍՍ-ը։
«Այն ամենը, ինչը ոչ թե խոսքով է, այլ գործով, և ոչ բարձրաձայն, ոչ պոպուլիստական, այլ իրական, անաղմուկ և գործնական, կարող է նպաստել հարաբերությունների կարգավորմանը, սահմանին իրավիճակի կայունացմանը, այս ամենը կարելի է ողջունել, իսկ թե իրականում կարո՞ղ են նման աղմկահարույց գործողություններն ու հայտարարությունները նպաստել կարգավորմանը՝ ժամանակը ցույց կտա»,- ասել է Պեսկովը։
Շաբաթ օրը ԱՄՆ Ներկայացուցիչների պալատի նախագահ Նենսի Փելոսին, որն ԱՄՆ կառավարության հիերարխիայում երրորդ կարևորագույն պաշտոնն է զբաղեցնում, ժամանել էր Հայաստան և հանդիպել վարչապետ Նիկոլ Փաշինյանի, Հայաստանի Ազգային ժողովի նախագահ Ալեն Սիմոնյանի և այլ պաշտոնյաների հետ։
