Զապորոժիեի ԱԷԿ-ում և նրա շրջակայքում հրադադարի մասին որոշում կայացնելու համար ՄԱԿ-ի Անվտանգության խորհրդի բանաձև չի պահանջվում՝ ճեպազրույցում ասել է կազմակերպության գլխավոր քարտուղար Անտոնիու Գուտերեշի խոսնակ Ստեֆան Դյուժարիկը։
«Գլխավոր քարտուղարը կոչ է անում դադարեցնել ռազմական գործողություններն ատոմակայանում և հարակից տարածքներում: Նա նաև կոչ է անում ռուսական և ուկրաինական ուժերին՝ խոստանալ ռազմական գործողություններ չանցկացնել»,- ասել է Դյուժարիկը: Նրա համոզմամբ՝ կրակի դադարեցման որոշում պետք է կայացնեն Ուկրաինան ու Ռուսաստանը, ոչ թե Անվտանգության խորհուրդը:
