Ուկրաինական ճգնաժամը հանգեցրել է նոր ֆինանսական կարգի, որի դեպքում այլ արժույթները կարող են «նեղել» դոլարին, գրում է կանադական Toronto Star-ը։
Հոդվածի հեղինակի կարծիքով՝ այս իրավիճակում Մոսկվան առանձնահատուկ դեր ունի։ «Ռուսաստանը կրակել է ՆԱՏՕ-ի ֆինանսական համակարգի ուղղությամբ՝ արդյունավետ միջոցներով պատասխանելով Արևմուտքի պատժամիջոցներին»,- կարծում է դիտորդը։
Որպես օրինակ՝ նա բերել է Ռուսաստանի նախագահ Վլադիմիր Պուտինի որոշումը՝ անբարյացակամ երկրների համար գազի դիմաց վճարումները ռուբլով փոխանցելու վերաբերյալ և նշել, որ համաշխարհային դրամավարկային համակարգն արդեն վերականգնվում է։
Ըստ Credit Suisse ֆինանսական կոնգլոմերատի, որին վկայակոչում է հեղինակը, նոր տնտեսական կարգը կպտտվի ապրանքային արժույթների շուրջ, ինչը էլ ավելի կթուլացնի դոլարն ու եվրոն։
Նա ուշադրություն է հրավիրել Չինաստանի, Հնդկաստանի և Բրազիլիայի հետ Ռուսաստանի գլոբալ առևտրային հարաբերությունների զարգացման վրա։
«Ռուսաստանի նախագահը կողմնակից է, որ BRICS-ի երկրները քննարկեն ոսկով միջազգային պահուստային արժույթ ստեղծելու հնարավորությունը»,- գրում է դիտորդը։
Նա կարծում է, որ Ռուսաստանն ու Չինաստանը կարող են նման արժույթ ստեղծել ԱՄՆ դոլարային համակարգից դուրս։
