Արևմուտքը սկսել է հոգնել զենքի մատակարարման Ուկրաինայի պահանջներից՝ գրում է ճապոնական Asahi Shimbun թերթը։
Պաշտոնական Կիևը, ինչպես նշվում է հրապարակման մեջ, վերջերս ավելի ու ավելի է բարձրացնում այն թեման, որ Միացյալ Նահանգները և արևմտյան այլ երկրներ ոչ բավարար աջակցություն են ցուցաբերում։ Ուկրաինայի ղեկավարությունն ավելի ու ավելի համառորեն է դիմում Արևմուտքին՝ ռազմական մատակարարումների հետագա ավելացման պահանջով։
Asahi Shimbun-ը հիշեցրել է Ուկրաինայի պաշտպանության փոխնախարար Աննա Մալյարի խոսքն այն մասին, որ Կիևն արևմտյան գործընկերներից ստացել է իրեն անհրաժեշտ սպառազինության միայն 10 տոկոսը։
Ըստ տեղեկությունների՝ արևմտյան երկրները կարող են պարզապես ի վիճակի չլինել բավարարելու ուկրաինական կողմի սպառազինության պահանջները թե՛ ծավալներով, թե՛ մատակարարման արագության առումով։
