Հրապարակվել է Հայաստանի ազգային հավաքականի հայտացուցակը Իռլանդիայի դեմ խաղում:
Հայտացուցակում չեն ընդգրկվել Ստանիսլավ Բուչնևը, Հայկ Իշխանյանը, Ժիրայր Մարգարյանը, Էդգար Մալաքյանը և Ռուդիկ Մկրտչյանը:
Հիշեցնենք՝ այսօր՝ ժամը 17։00-ին, Վազգեն Սարգսյանի անվան «Հանրապետական» մարզադաշտում, կկայանա Ազգերի լիգայի Բ լիգայի առաջին խմբի առաջին տուրի Հայաստան-Իռլանդիա հանդիպումը։
Հաստատվել է հանդիպումը սպասարկող մրցավարական անձնակազմը։
Հանդիպման գլխավոր մրցավարն է Ռադու Մարիան Պետրեսկուն (Ռումինիա)։ Մրցավարի օգնականներն են Ռադու Ադրիան Շտեֆան Ժինգուլյակը (Ռումինիա) և Միրչա Միհաիլ Գրիգորիուն (Ռումինիա), չորրորդ պաշտոնյան է Յուլիան Դիման (Ռումինիա)։
Հանդիպման տեսուչ է նշանակվել Անդրեյ Սիպայլոն (Լատվիա), ՈՒԵՖԱ-ի պատվիրակ՝ Կուանիշ Կանապյանովը (Ղազախստան)։
