Այսօր տեղի ունեցավ դեսպան Վլադիմիր Կարապետյանի հանդիպումը Ուկրաինայի ներքին գործերի նախարարի տեղակալ Մերի Հակոբյանի հետ: Այս մասին հայտնում են Ուկրաինայում Հայաստանի դեսպանությունից:
Զրուցակիցները մտքեր փոխանակեցին Հայաստանում և Ուկրաինայում տեղի ունեցող զարգացումների շուրջ: Մերի Հակոբյանը ներկայացրեց Ուկրաինայում շարունակվող ռազմական գործողությունների արդյունքում առաջացած մարտահրավերները: Նշվեց, որ հրատապ խնդիրներից է՝ տարածքների ականազերծումը:
Նախարարի տեղակալն ընդգծեց Ուկրաինայի ՆԳՆ պատրաստակամությունը` խորացնելու հայ գործընկերների հետ արդեն իսկ ձևավորված լավ հարաբերությունները, մասնավորապես՝ կիսվելու ոստիկանության բարեփոխման գործում Ուկրաինայի ձեռք բերած մեծ փորձով:
