Թուրքիայի նախագահ Ռեջեփ Էրդողանը և Մեծ Բրիտանիայի վարչապետ Բորիս Ջոնսոնը հեռախոսազրույցի ընթացքում քննարկել են Ուկրաինայում ստեղծված իրավիճակը, անդրադարձել Շվեդիայի և Ֆինլանդիայի՝ ՆԱՏՕ-ին անդամակցության վերաբերյալ Թուրքիայի մերժողական դիրքորոշմանը։
Ջոնսոնը հույս է հայտնել, որ բոլոր տարաձայնությունները շուտով կհարթվեն։
Էրդողանը հայտարարել է, որ Անկարան ցանկանում է համոզվել, որ Ստոկհոլմը և Հելսինկին կպահպանեն Հյուսիսատլանտյան դաշինքի արժեքները։ Նրա խոսքով՝ գլխավոր խնդիրն այդ երկու երկրի հարաբերություններն են Քրդստանի աշխատավորական կուսակցության վերահսկողության տակ գտնվող անհատների և կազմակերպությունների հետ։
«Մենք ցանկանում ենք համոզվել, որ Ֆինլանդիայի և Շվեդիայի՝ ՆԱՏՕ-ին անդամակցության հետևանքով Թուրքիայի օրինական շահերը չեն տուժի», - նշել է Թուրքիայի նախագահը։
