Ֆինլանդիայի արտգործնախարար Պեկա Հաավիստոն ստորագրել է երկրի՝ ՆԱՏՕ-ին անդամակցելու հայտը, փոխանցում են լրատվամիջոցները:
Դրանից անմիջապես առաջ Ֆինլանդիայի նախագահ Սաուլի Նիինիստյոն Ստոկհոլմից, որտեղ նա գտնվում է պետական այցով, տեսակապով պաշտոնապես հավանություն է տվել երկրի խորհրդարանի կողմից դաշինքին անդամակցելու որոշմանը:
Ավելի վաղ Ֆինլանդիայի խորհրդարանը հավանություն էր տվել ՆԱՏՕ-ին երկրի անդամակցության առաջարկին։ Հյուսիսատլանտյան դաշինքին անդամակցության հայտ ներկայացնելուն կողմ էր քվեարկել 188 պատգամավոր, 8-ը՝ դեմ։
