Պատվո շքանշան Ասո Թավիթյանին

«Թավիթյան» հիմնադրամի նախագահ Ասո Թավիթյանին հանրապետության նախագահ Սերժ Սարգսյանը պետական բարձր պարգև՝ Պատվո շքանշան է հանձնել Հայաստանի անկախության տոնի առթիվ: Նախագահը շնորհակալություն է հայտնել Ասո Թավիթյանին հայրենիք-սփյուռք կապերի ամրապնդման գործում ներդրած ավանդի համար:

«Թավիթյան» հիմնադրամի նախագահն ասել է, որ իր ու հիմնադրամի համար մեծ պատիվ է կրթության միջոցով Հայաստանում կենսունակ հասարակություն ստեղծելու և կառավարումն ամրապնդելու գործում ներդրում անելու հնարավորությունը: