Հայաստանի և Կիպրոսի արտաքին գործերի նախարարներ Արարատ Միրզոյանն ու Իոաննիս Կասուլիդիսը հեռախոսազրույց են ունեցել, քննարկել երկկողմ հարաբերությունները: Այդ մասին Twitter-ի իր միկրոբլոգում նշել է Կիպրոսի ԱԳՆ խոսնակ Դեմետրիս Դեմետրիուն:
«Կիպրոսի արտգործնախարար Իոաննիս Կասուլիդիսի և Հայաստանի արտգործնախարար Արարատ Միրզոյանի միջև ջերմ ու բարեկամական հեռախոսազրույց է տեղի ունեցել, որի ընթացքում վերահաստատվել է երկկողմ հարաբերությունների գերազանց մակարդակն ու Կիպրոսի աջակցությունն ու համերաշխությունը հայ ժողովրդին՝ կապված առաջիկա բանակցությունների հետ»,- գրել է Դեմետրիուն:
