Լիբանանի փոխվարչապետ Սաադե Աշ Շամին հայտարարել է պետության և Լիբանանի Կենտրոնական բանկի սնանկացման մասին:
«Վնասները կբաշխվեն պետության, «Ազատության» բանկի, բանկերի ու ավանդատուների միջև, և որոշակի տոկոս չկա։ Ցավոք, պետությունը սնանկացել է, ինչպես և Լիբանանի բանկը, և մենք ուզում ենք դրական արդյունքով դուրս գալ իրավիճակից: Իսկ կորուստները տասնամյակների քաղաքականության հետևանք են, և եթե մենք ոչինչ չձեռնարկեինք, դրանք ավելի շատ կլինեին»,-ասել է Ալ-Շամին։
Փոխվարչապետը նշել է, որ բանակցություններ են վարում Արժույթի միջազգային հիմնադրամի հետ՝ բանկային հատվածի բարեփոխման և վերակազմավորման, պետական պարտքի սպասարկման համար հավասարակշռված հարկաբյուջետային քաղաքականության, պետական հատվածի և էլեկտրաէներգետիկայի բարեփոխման, փոխարժեքի միասնականացման, դրամավարկային քաղաքականության և գնաճի դեմ պայքարի թեմաների շուրջ:
«Առաջին անգամ նման մեծ առաքելություն է ժամանել Լիբանան, և մենք բավական առաջընթաց ենք արձանագրել ԱՄՀ-ի հետ բանակցություններում»,- ասել է Ալ-Շամին:
