Եվրահանձնաժողովը սպասում է, որ ԵՄ անդամ երկրները հավանության արժանացնեն ուկրաինացի փախստականների ընդունման հարցով հատուկ հրահանգը: Այս մասին հայտնել է ներքին գործերի եվրահանձնակատար Իլվա Յոհանսոնը:
«Ուկրաինայից Եվրամիություն արդեն իսկ ժամանել է մոտ 1 միլիոն փախստական, մենք պետք է պատրաստ լինենք ևս 1 միլիոն փախստական ընդունելուն», - ասել է նա:
Յոհանսոնը նշել է, որ Ուկրաինայի քաղաքացիները դեռևս ապաստան ստանալու խնդրագրեր չեն ներկայացնում, ուստի ԵՄ երկրներն առայժմ չեն դիտարկում քվոտաների հիման վրա նրանց վերաբնակեցման տարբերակները:
