Նախագահ Ջո Բայդենը հայտարարել է, որ Միացյալ Նահանգները փակում է օդային տարածքը Ռուսաստանի համար՝ Ուկրաինայում ռուսական ռազմական գործողությունների պատճառով, հաղորդում է ТАСС-ը։
«Ես հայտարարում եմ, որ միանալու ենք մեր դաշնակիցներին՝ փակելու ամերիկյան օդային տարածքը ռուսական բոլոր թռիչքների համար», - ասել է Բայդենը Կոնգրեսին ուղղված ուղերձում:
Տրանսպորտի նախարարությունը հավելել է, որ արգելքը վերաբերում է Ռուսաստանում գրանցված բոլոր օդանավերին, այդ թվում՝ չարտերային։
Ավելի վաղ իրենց օդային տարածքը ռուսական ինքնաթիռների համար փակել էին եվրոպական երկրներն ու Կանադան: Ի պատասխան՝ Ռուսաստանի իշխանությունները սահմանափակել են թռիչքները 36 երկրի ավիաընկերությունների համար։
