Ռուսաստանի արտաքին գործերի նախարար Սերգեյ Լավրովը հույս է հայտնել, որ միջազգային իրավունքին և միջազգային պարտավորություններին վերադառնալու հնարավորություն կա։
«Ցավոք, մեր արևմտյան ընկերները չեն հարգում միջազգային իրավունքը՝ փորձելով ոչնչացնել այն»,- նշել է նա։
Լավրովը հայտնել է նաև, որ «լարված ու մանրամասն քննարկումներ են անցկացվել ամերիկացի գործընկերների և ՆԱՏՕ-ի մյուս անդամ երկրների հետ»։
«Քանի որ մենք ձեռնարկում ենք Ռուսաստանի և ռուս ժողովրդի անվտանգության ապահովմանն ուղղված միջոցներ, որոնց մասին հայտարարել էր ՌԴ նախագահը, մենք, անշուշտ, միշտ պատրաստ կլինենք երկխոսության, որը մեզ դեպի արդարարության ճանապարհ և ՄԱԿ-ի կանոնադրության սկզբունքներին կվերադարձնի»,- շեշտել է նախարարը։
