«Թալիբան» շարժումը, որը վերահսկում է Աֆղանստանը, ժամանակակից զենքով և տեխնիկայով զինված 10,000 զինյալ է ուղարկում Տաջիկստանի և Ուզբեկստանի հետ սահմանակից շրջաններ՝ երկուշաբթի ասել է «Թալիբանի» զինված ուժերի գլխավոր շտաբի պետ Կարի Ֆասիհուդդին Ֆիթրաթը՝ գրում է Interfax-ը։
«Երկրի հյուսիսային և հյուսիսարևելյան նահանգներում տեղակայված 10 հազարանոց հզոր բանակը՝ զինված ՆԱՏՕ-ի և ԱՄՆ-ի ամենաժամանակակից ռազմական տեխնոլոգիաներով, պատրաստ է ցանկացած զինված գործողության»,- գրել է Ֆիթրաթը Twitter-ում։
«Ամենակարճ ժամկետում մարտական ինքնաթիռները պատրաստ են աջակցել այս հզոր ուժին»,- հավելել է թալիբների ներկայացուցիչը։
Աֆղանստանի հյուսիսային Բալխ նահանգը սահմանակից է Ուզբեկստանին, հյուսիսարևելյան Կունդուզ, Թախար և Բադախշան նահանգները՝ Տաջիկստանին։
