ԱՄՆ նախագահ Ջո Բայդենը Ուկրաինայի նախագահ Վոլոդիմիր Զելենսկու հետ հեռախոսազրույցի ժամանակ չի կարողացել հստակ պատասխաններ տալ Ուկրաինային լրացուցիչ օգնության և Կիև այցելելու խնդրանքներին՝ հայտնում է Bloomberg-ը՝ վկայակոչելով խնդրին ծանոթ իր աղբյուրներին։
Մեկ այլ աղբյուրի համաձայն՝ Բայդենի վարչակազմը, «մանրամասն» ուսումնասիրում է Ուկրաինային լրացուցիչ տնտեսական օգնություն տրամադրելու հնարավորությունը, նաև նշել է, որ ԱՄՆ նախագահը դժվար այցելի Կիև՝ այդ երկիրը լքելու ամերիկացիներին ուղղված կոչերի ֆոնին՝ գրում է РИА Новости-ն։
Սպիտակ տունը, սակայն, վստահեցնում է, որ կիրակի մոտ մեկ ժամ տևած Բայդեն-Զելենսկի հեռախոսազրույցի ժամանակ կողմերը պայմանավորվել են շարունակել դիվանագիտական ջանքերը ուկրաինական ճգնաժամի կարգավորման հարցով։ ԱՄՆ առաջնորդը զրույցի ընթացքում Ուկրաինայի նախագահին խոստացել է «արագ և վճռական» պատասխան տալ երկրի դեմ հնարավոր ցանկացած ագրեսիային:
