Երևան ավագանու կազմը համալրվել է նոր անդամներով:
Ավագանու «Իմ քայլը» կուսակցությունների դաշինքի լիազորությունները վաղաժամկետ դադարած ավագանու անդամներին փոխարինել են ընտրական ցուցակի հերթական հաջորդ թեկնածուները:
Ավագանու մեծամասնության հավանությամբ Երևանի քաղաքապետը տեղակալներ է նշանակել՝ ՀՀ առողջապահության արդեն նախկին փոխնախարար Գևորգ Սիմոնյանին, Արդարադատության նախկին փոխնախարար Սուրեն Գրիգորյանին և «Ճանապարհային դեպարտամենտ» հիմնադրամի գործադիր տնօրեն Ստեփան Մաչյանին։
Օրակարգային հարցերից մեկն էլ Երևանի ավագանու ժամանակավոր հաշվիչ հանձնաժողովի կազմը հաստատելու մասին էր: Հանձնաժողովի կազմում ընտրվել են Երևանի ավագանու «Իմ քայլը» խմբակցության անդամ Էդուարդ Ավետիսյանը, «Բարգավաճ Հայաստան» խմբակցության անդամ Մարկոս Հարությունյանը և «Լույս» խմբակցության անդամ Անի Խաչատրյանը:
Հեղինակ՝ Իրինա Մկրտչյան
